പറന്നു പൊങ്ങിയ വിമാനം നിമിഷനേരത്തിനുള്ളില്‍ 12,000 അടി ഉയരത്തില്‍ എത്തിയെന്നും ( അന്നത്തെ സാങ്കേതികവിദ്യ പ്രകാരം അസംഭവ്യമായ ഒരു കാര്യം ) വിമാനത്താവളത്തിനു അരികെ തന്നെ തകര്‍ന്നു വീഴുകയും ചെയ്തുവത്രേ . എന്നാല്‍ തൈവാന്‍ സര്‍ക്കാര്‍ രേഖകള്‍ പ്രകാരം ആ വര്‍ഷം ഓഗസ്റ്റ്‌ 14നും സെപ്തംബര്‍ 20നും ഇടയില്‍ ഒരൊറ്റ വിമാനാപകടം പോലും രേഖപ്പെടുത്തിയിട്ടില്ല.
രണ്ടു:
1950 കളിൽ മറ്റൊരു കഥയുടെ തുടക്കം കുറിക്കപെടുകയായിരുന്നു. നേതാജി മരണപ്പെട്ടിട്ടില്ലാ എന്നും അദേഹം ഒരു സന്യാസിയുടെ രൂപത്തിൽ ബംഗാളിലെ ശൌൽമാരിയിൽ ഒരു ആശ്രമത്തിൽ കഴിയുന്നുവെന്നുമായിരുന്നു. മാത്രമല്ല, ഗാന്ധിജിയുടെയും നെഹ്‌റുവിന്‍റെയും മരണാനന്തര ചടങ്ങുകൾക്കിടയിൽ പ്രത്യക്ഷപ്പെട്ട സന്യാസി നേതാജിയായിരുന്നുവെന്നും മറ്റൊരു കഥ.
പക്ഷെ, ഈ തിയറിയിലും കുഴപ്പങ്ങള്‍ ഉണ്ട്, " അടിമത്തമാണ്‌, കീഴടങ്ങലാണു ലഭിക്കാവുന്നതില്‍ ഏറ്റവും വല്യ ശാപം " എന്ന് പറഞ്ഞ നേതാജി, ഒരു സന്യാസിയുടെ വേഷത്തില്‍ എന്തിനു ജീവിക്കണം ?
അദേഹത്തെ അടുത്ത് അറിയാവുന്നവര്‍ ആരും നേതാജി ഇങ്ങിനെ ഒരു വേഷത്തില്‍ ഭാരതത്തില്‍ ജീവിച്ചിരിക്കും എന്ന് വിശ്വസിക്കില്ല. കാരണം ഇന്ത്യന്‍ നാഷണല്‍ ആര്‍മിയുടെ കമാണ്ടര്‍ വെറുമൊരു സന്യാസി വേഷം ധരിച്ചു എന്തിനു ജീവിക്കണം ?
മാത്രമല്ല,
അമേരിക്കന്‍- ബ്രിട്ടീഷ്‌- സോവിയറ്റ് ചാര സംഘടനകളുടെ ഈയിടെ പുറത്തു വിട്ട അന്നത്തെ കാലത്തെ റിപ്പോര്‍ട്ടുകള്‍ പ്രകാരം , 1948 മുതല്‍ 1964 വരെ നേതാജിയെക്കുറിച്ചുള്ള വിവരണങ്ങള്‍ ഉണ്ടായിരുന്നു. അദേഹം ഭാരതത്തില്‍ തിരികെയെത്തി ഭരണം നേടുവാന്‍ സാധ്യതയുണ്ട് എന്നും ആ റിപ്പോര്‍ട്ടുകള്‍ പറയുന്നു.
1964ല്‍ നെഹ്രൂ അന്തരിക്കും വരെ നേതാജിയുടെ സകല കുടുംബാംഗങ്ങളും സര്‍ക്കാര്‍ നിരീക്ഷണത്തില്‍ ആയിരുന്നു എന്നതും വാസ്തവം , 1945ല്‍ നേതാജി മരിച്ചുവെങ്കില്‍ , എന്തിനായിരുന്നു ഇതൊക്കെ ?
മൂന്നു:
നേതാജി പ്ലൈൻ അപകടത്തിൽ കൊല്ലപ്പെട്ടിട്ടില്ലാ എന്നും അദ്ദേഹം ചൈനയിലോ സോവിയറ്റ് യുണിയനിലെ സൈബീരിയയിലോ ജീവിചിരുന്നുവെന്നും. മാത്രമല്ല, സോവിയറ്റ് ലീഡർ നിഖിത ക്രുഷ്ചേവ് ഒരിക്കല്‍ പറഞ്ഞത്രേ,
ഇന്ത്യ ആഗ്രഹിക്കുന്നുവെങ്കിൽ 45 ദിവസങ്ങൾക്കുള്ളിൽ ഞങ്ങൾക്ക് നേതാജിയെ കൈമാറാനാകുമെന്നു. ഇതു പറഞ്ഞു കേട്ടതിൽ മറ്റൊരു കഥ.
എന്നാല്‍,
ബ്രിട്ടീഷ്‌ രഹസ്യാനേഷണ വിഭാഗം ആ കാലത്തില്‍ യുറോപ്പില്‍ പ്രചരിപ്പിച്ചിരുന്നയൊരു വാര്‍ത്തയായിരുന്നു നേതാജി എം ഐ 6ന്‍റെ ചാരന്‍ ആണെന്നു. സോവിയറ്റ് രഹസ്യാനേഷണ വിഭാഗമായ കെ ജി ബി ഈ വാര്‍ത്ത അറിയും എന്നും,അത് വഴി ബ്രിട്ടീഷ്‌- അമേരിക്കന്‍ നീക്കങ്ങളെ എന്നും സംശയത്തോടെ വീക്ഷിച്ചിരുന്ന സ്റ്റാലിന്‍ തന്നെ സൈബീരിയയില്‍ കഴിയുന്ന നേതാജിയെ കൊലപ്പെടുത്തുവാന്‍ ഒരുങ്ങും എന്നുമായിരുന്നു അത്തരം സന്ദേശങ്ങളുടെ പിന്നിലെ സാരം. അപ്രകാരം നേതാജി സൈബീരിയയിലെയൊരു തടവറയില്‍ വച്ചു കൊലപ്പെട്ടു എന്നും പറയപ്പെടുന്നു.
പലർ പലവിധം പലയിടം പരത്തിയ കഥകൾ അനവധി. ഇത്തരം പല അഭ്യൂഹങ്ങൾ നില നിൽക്കുമ്പോഴും അവയില്‍ ഈയിടക്കാലത്തു ഏറ്റവും പ്രചാരം കിട്ടിയ ഒന്നായിരുന്നു ഗുമ്നബി ബാബാ അഥവാ ഭാഗ്വാഞ്ചി എന്നാ സന്യസിയുമായി ബന്ധപ്പെട്ട ചിന്തനം.
30 വർഷങ്ങളിലെറെയായി അദേഹം പല ഭാഗങ്ങളിലായി ജീവിച്ചിരുന്നുവെന്നും ഇന്ത്യൻ നാഷണൽ ആർമിയുടെ രഹസ്യവിഭാഗം ജോയിന്റ് ഡയരക്ടര്‍ ആയിരുന്ന ഡോക്ടർ പവിത്രാ മോഹൻ റോയ്യുമായി അദ്ദേഹത്തിനു സൗഹൃദമുണ്ടായിരുന്നുവെന്നും പറയപ്പെടുന്നു.
1985 സെപ്റ്റംബർ 16 നു മരണപ്പെട്ട അദ്ദേഹം നേതാജിയായിരുന്നുവന്നു കണക്കാക്കുവാൻ പല വസ്തുതകളും ഉണ്ടായിരുന്നു, നേതാജി ഉപയോഗിചിരുന്നതിൻ സമാനമായ സ്വർണ്ണ ഫ്രെമുള്ള കണ്ണടയും, ജെര്‍മ്മന്‍ സൈനീക മേധാവികള്‍ ഉപയോഗിക്കുന്ന തരം ബൈനോക്കുലറും, സ്വാമി വിവേകാനന്ദന്‍റെ ചിത്രവും ബംഗാളി പുസ്തകങ്ങളും വിഭജനത്തിനു മുന്നേയുള്ള ഭാരതത്തിൻ രേഖാചിത്രത്തിൻ ഒരു കോപ്പിയും നേതാജിയുടെ കുടുംബ ചിത്രങ്ങൾ അടങ്ങുന്ന ഒരു ആൽബവും ഒക്കെ ഗുല്നബി ബാബയുടെ മരണശേഷം അദെഹത്തിൻ ആശ്രമത്തില്‍ നിന്നും കണ്ടെടുത്തിരുന്നു.
മാത്രമല്ല, സൈബീരിയയിലെ തടവറകളെ കുറിച്ചും, യുദ്ധതന്ത്രങ്ങളെക്കുറിച്ചുംമൊക്കെ സ്വാമീജി വാചാലന്‍ ആകുമായിരുന്നുവെന്നും, എഴുപതുകളില്‍ തന്നെ അദേഹം സോവിയറ്റ് യുണിയന്‍ന്‍റെ തകര്‍ച്ചയെകുറിച്ചും വരാന്‍ പോകുന്ന ഇന്ത്യാ പാകിസ്താന്‍ യുദ്ധത്തെ കുറിച്ചും, സൈനീകനീക്കങ്ങളെക്കുറിച്ചുമൊക്കെ സംസാരിച്ചിരുന്നു അത്രേ.
ഇത്രയേറെ അഭ്യൂഹങ്ങളും ദുരൂഹതകളും നിറഞ്ഞ മറ്റൊരു ജനനായകൻ ഇല്ലാ എന്നു വേണം കരുതാൻ. അത്രത്തോളം ചുരുളഴിയാ രഹസ്യങ്ങളുമായി മറഞ്ഞ നേതാജിയെന്ന പകരംവെക്കാനില്ലാത്ത മഹത്വ്യക്തിയെ കുറിച്ചുള്ള ശരിയായ വസ്തുത അറിയാൻ അദ്ദേഹത്തിന്റെ കുടുംബാങ്ങങ്ങള്‍ക്കെന്ന പോലെ ഓരോ ഭാരതീയര്‍ക്കും അവകാശമുണ്ട്‌.രഹസ്യങ്ങളുടെ കെട്ടുകൾ അഴിയെണ്ടാതാണ് അഴിക്കെണ്ടാതാണ്.
ഭാരത മണ്ണിനെ ചവിട്ടി മെതിച്ച ബ്രിട്ടിഷ് വരാഹങ്ങളുടെ അഹന്തയും അടിവേരും ഉണ്മൂലം ചെയ്യാനായി ജീവിതമുഴിഞ്ഞു തീര്‍ത്തയോരോരോ പോരാളികളുടെയും ദാനമാണ്‌, ത്യാഗമാണ് നാം ഇന്നു അനുഭവിക്കുന്ന സ്വാതന്ത്ര്യം. ആ പോരാളികളിൽ നേതൃത്വം നൽകിയ ഇന്നും ഒരു പ്രഹേളികയായി നിലകൊള്ളുന്ന നാമമാണ്.. ജീവിതമാണ്.. വ്യക്ത്വിത്തമാണ്... ശ്രീ സുഭാഷ് ബോസ്സെന്ന ഭാരതത്തിന്‍റെ നേതാജി !
വാക്കുകൾ കൊണ്ടോ വര്‍ണ്ണന കൊണ്ടോ പൂർണ്ണമാക്കാൻ കഴിയാത്ത പോരാളി !
ഭാരതത്തിന് വീരപുത്രാ.. അങ്ങേക്കു പ്രണാമം, എന്നെങ്കിലും ഒരിക്കല്‍ അങ്ങയുടെ കഥയറിയാനുള്ള ഭാഗ്യം ഞങ്ങള്‍ക്കുണ്ടാകട്ടെയെന്നും പ്രാര്‍ത്ഥന. ജയ്ഹിന്ദ് !
